Komisioni Qendror i Zgjedhjeve, ka bërë të ditur se ka përfunduar numërimi i votave me postë.
Nga ky numërim partia e parë ka dalë Lëvizja Vetëvendosje me 51.57%, ose 31963 vota, Lidhja Demokratike e Kosovës me 30.55%, ose 18933 vota, e treta është Partia Demokratike e Kosovës me 9.48 %, ose 5878 si dhe Aleanca për Ardhmërinë e Kosovës me 3.23%, ose 2000 vota.
Ndërsa, nesër (e mërkurë), pritet të përfundojë numërimi i votave, atyre me kusht dhe të personave me aftësi të veçanta.
Kështu bëri të ditur, zëdhënësi i Komisionit Qendror Zgjedhor, Valmir Elezi.
“Në QNR është në përfundim e sipër procesi i numërimit nga votimi jashtë vendit, respektivisht votimi përmes postës. Pra gjatë ditës së sotme do të përmbyllim procesin e numërimit të votave nga votimi jashtë Kosovës dhe gjithashtu në QNR ka filluar procesi i numërimit të votave me kusht dhe pastaj edhe votave të personave me nevoja të veçanta. Ky proces do të bëhet sot dhe presim të përfundojë nesër”, tha ai.
