Në Qendrën e Numërimit dhe Rezultateve po vazhdon procesi i numërimit të fletëvotimeve nga diaspora, konkretisht ato të hedhura në përfaqësitë diplomatike të Kosovës.
Sipas të dhënave të fundit të publikuara mbrëmë nga KQZ, rezulton se deri në ora 23:48 janë numëruar 44.19 për qind e votave nga përfaqësitë diplomatike.
Sipas këtyre votave 81.89% është votuar Lëvizja Vetëvendosje, 7.21% të votave kanë shkuar për Lidhjen Demokratike të Kosovës, 5.75% për Partinë Demokratike të Kosovës, derisa Aleanca për Ardhmërinë e Kosovës ka marr 1.54% të votave.
Ndryshe, në Qendrën e Numërimit dhe Rezultateve ka filluar të mërkurën procesi i numërimit të fletëvotimeve nga votimi jashtë Kosovës në 30 përfaqësi diplomatike me gjithsej 43 vendvotime.
