Sipas të dhënave të përditësuara nga Komisioni Qendror i Zgjedhjeve (KQZ), në kryeqytet janë numëruar të gjitha kutitë e votimit, dhe Përparim Rama nga LDK-ja ka dalë fitues me 51.54% të votave, ndërsa kandidati i VV-së, Hajrulla Çeku, ka marrë 48.46%.
Pas shpalljes së rezultatit, Rama falënderoi qytetarët për besimin dhe mbështetjen:
“E dashura Prishtinë, faleminderit! Sot fitoi qytetari, demokracia dhe kultura demokratike mbi kultin e individit,” tha ai.
Kjo fitore e LDK-së në Prishtinë shënon një mandat të ri katërvjeçar për kryetarin Përparim Rama.
