Komisioni Qendror i Zgjedhjeve ka vendosur ditët e fundit për orarin e numërimit të votave gjatë ndërrimit të viteve, duke parashikuar një ndërprerje të shkurtër për festat e fundvitit.
Sipas vendimit të marrë në mbledhjen e fundit, procesi i numërimit më 31 dhjetor do të vazhdojë deri në orën 12:00, për t’u pezulluar më pas gjatë pjesës tjetër të ditës.
Puna do të rifillojë më 1 janar, duke nisur nga ora 16:00.
KQZ-ja ka përpunuar rezultatet nga 1 mijë e 763 vendvotime, nga gjithsej 2 mijë e 557 që janë në nivel vendi.
