Kuvendi i Kosovës nuk e ka votuar raportin vjetor të Autoritetit të Aviacionit Civil të Kosovës për vitin 2021, raporton teve1.info
Në këtë seancë nuk pati kuorum edhe për tri marrëveshje ndërkombëtare, të cilat kryetari i Kuvendit, Glauk Konjufca i shtyu për seancë të re plenare.
Marrëveshjet ndërkombëtare të cilat në mungesë të kuorumit u shtynë për seancë të re plenare janë:
5. Votimi i Projektligjit nr.08/L-162 për ratifikimin e Marrëveshjes së financimit në mes të Republikës së Kosovës përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për “Projektin e reformës së sistemit të ndihmës sociale në Kosovë”,
6. Votimi i Projektligjit nr.08/L-203 për ratifikimin e Marrëveshjes së kredisë për Projektin -korniza e qyteteve të gjelbërta 2 dritarja 2 – efiçienca e energjisë në ndërtesa publike në Prishtinë, ndërmjet Republikës së Kosovës dhe Bankës Evropiane për Rindërtim dhe Zhvillim,
7. Votimi i Projektligjit nr.08/L-204 për ratifikimin e Marrëveshjes së kredisë për Projektin -efiçienca e energjisë në ndërtesa publike në Prizren, ndërmjet Republikës së Kosovës dhe Bankës Evropiane për Rindërtim dhe Zhvillim.
Këto pika të rendit të ditës janë nga seancat e papërfunduara prej muajit dhjetor 2022 deri në shkurt 2023.