Në mungesë të kuorumit, në Kuvendin e Kosovës nuk ka mundur të miratohet projektligji për plotësimin dhe ndryshimin e ligjit për Këshillin Prokurorial.
Vetëm 57 deputetë votuan pro, ndërkohë deputetët opozitarë të PDK-së, LDK-së dhe AAK-së u përmbajtën nga votimi.
Ky projektligj parasheh zvogëlimin e anëtarëve të KPK-së nga 13 në 7 anëtarë, mes të cilëve 3 do të jenë joprokurorë. Përbërja e re e KPK-së do të ketë dy prokurorë nga prokuoritë themelore, një nga Apeli ose Specialja dhe kryeprokurorin e Shtetit. Kuvendi do t’i i zgjedh dy anëtarë joprokurorë të KPK-së si dhe do të dërgohet si anëtar një përfaqësues nga Avokati i Popullit.
Miratimi i këtij projektligji do të tentohet në seancën e radhës.
