Dy qytetarë të komunitetit serb janë ndaluar nga policia e Kosovës pasi gjatë kontrollit në Mitrovicë të Veriut, të dyshuarit A.D. dhe D.Z. nuk i janë bindur urdhrit të policisë për ndalim, raporton teve1.info
Sipas komunikatës së Policisë, të njëjtit janë ndaluar tek rrethrrotullimi i qytetit me veturën pa targa, derisa tek i dyshuari D.Z. është gjetur substancë e dyshuar narkotike.
Me vendim të Prokurorit, rasti do të vazhdoj në procedurë të rregullt.
“Gjatë realizimit të detyrave dhe aktiviteteve policore në veri, pas mesnate, rreth orës 01:00, patrulla policore ka sinjalizuar për ndalim një veturë në fshatin Koshtovë, drejtuesi i së cilës nuk i është bindur sinjalit nga policia për ndalim.
Patrullat policore më pas në qendër të qytetit (tek rreth-rrotullimi) kanë arritur ta ndalojnë veturën pa targa e në të cilën ishin dy persona: A.D., (viti i lindjes 1996, mashkull serb kosovar) dhe D.Z., (viti i lindjes 1992, mashkull serb kosovar).
Policia ka bërë kontrollin e veturës dhe personave në të. Tek i dyshuari D.Z., është gjetur një sasi substance që dyshohet të jetë narkotike. Lidhur me këtë policia ka iniciuar rastin, kurse me rekomandim nga prokurori rasti do të vazhdojë në procedurë të rregullt”, thuhet në njoftim.
