Politologia, Arta Tahiri – Beqa ka dalë kundër fuqizimit të Nenad Rashiq lidhur me çështjen e nënkryetarit të Kuvendit nga komuniteti serb.
Ajo ka thënë se edhe pse Rashiq ka qenë bashkëpunues me institucionet e Kosovës, sipas saj, nuk dihet se kush është në prapavijë.
“Po me duket e panevojshme fuqizimi i këtij individ të caktuar (Nendad Rashiq) kur nuk pe dimë se kush është . Nuk mundesh të ma rezervosh një emër, nuk e dimë kush është në prapavi”, ka thënë ajo në emisionin “Këndi i Debatit” në Tëvë1.
Madje, ajo ka përmendur një deklaratë të tij, i cili kur është pyetur nëse do ta njihte shtetit e Kosovës po të ishte president i Serbisë, Rashiq tha se “nuk e di”.
“Besueshmëria se dikush është i mirë dhe i keq krijon një standard të panevojshëm”, tha Tahiri – Beqa.
Nenad Rashiq i cili u vetpropozua për nënkryetar të Kuvendit nga komuniteti serb, u mbështetë nga Lëvizja Vetëvendosje.
Rashiq aktualisht është edhe ministër në detyrë për Komunitete dhe Kthim.
