Anton Nrecaj nga Instituti Clard, thotë se mund të ketë ende ngritje të aktakuzave nga Prokuroria Speciale, madje sipas tij edhe ndaj ish-krerëve apo komandantëve të UÇK-së.
Sipas Nrecaj, Gjykata Speciale ka dështuar në atë mbi çka është nisur të themelohet, duke u bazuar mbi akuzat që janë ngritur.
“Mund të ketë ngritje të aktakuzave, aktakuza mund të zgjerohet dhe te personat e tjerë, potencialisht ish-krerë ose komandantë të UÇK-së. Prokuroria Speciale, realisht gjatë procesit që kemi parë deri më tani, gjitha provat dhe argumentet të cilat i ka ofruar në Gjykatë, të cilat edhe janë shqyrtuar gjatë proceseve gjyqësore kundër krerëve të UÇK-së, pikërisht kundër personave të cilët janë të akuzuar supozohet që janë të akuzuar për vepra të kryera gjatë periudhës së luftës ndaj civilëve, rezulton të jetë në një farë forme si dështim i asaj që e kanë nisur dhe mbi bazën edhe janë ngritur aktakuzat”, tha ai në emisionin “Ditari” në Tëvë1.
Nrecaj, thotë se gjithçka nga Gjykata Speciale është e përmbledhur dhe e përgatitur nga shteti i Serbisë.
“Sepse, më tani kemi parë dëshmitarë të cilët kanë dëshmuar, përfshirë edhe ata të cilët kanë qenë njerëz që kanë përfaqësuar institucione apo organizatave, kanë rezultuar se të gjitha argumentet e pa verifikuara dhe të paargumentuara janë jashtë standarde ku edhe ata vetë punojnë, janë gjithçka e përmbledhur dhe e përgatitur nga shteti i Serbisë, respektivisht nga Ministria e Drejtësisë, organet e brendshme të sigurisë dhe organet e inteligjencës së Republikës së Serbisë”, shtoi ai./teve1.info/
