Sipas tij, të gjithë juristët duhet të përgatiten për ta krijuar një siguri juridike në Kosovë.
“Byroja është shumë e rrezikshme. Pikërisht, funksionalizimi i kësaj byroje, në aspektin financiar do t’i shkaktojë kolaps shtetit të Kosovës, e ku realisht do të jemi para falimentimit. Pra, gjithmonë duke u bazuar mbi bazën e asaj se çka do të punohet. Mirëpo, unë nuk e kam shqetësimin shumë të madh për byronë sado që është e pakuptimtë. Asnjëherë nuk e kuptoj se çfarë po pretendohet me këtë projektligj apo me këtë byro. Prapë se prapë, ne si juristë duhet të jemi jashtëzakonisht të përgatitur, ta krijojmë një siguri juridike në vend”, tha ai në emisionin “Këndi i Debatit” në Tëvë1.
Për krijimin e kësaj byroje nevojitet miratimi i ligjit për krijimin e Byrosë Shtetërore për Verifikimin dhe Konfiskimin e Pasurisë së Pajustifikueshme. Një ligj të tillë, Qeveria e Kosovës e ka miratuar në dhjetor të vitit 2021.
