Njihet si njëri ndër interpretuesit më të qartë dhe të thellë në analizën e ajeteve kuranore. Andaj edhe leximin e Kuranit e ka për qejf.
Ky është Nouman Ali Khan, një predikues dhe studiues i njohur islam nga Shtetet e Bashkuara të Amerikës me origjinë pakistaneze, e që këtë të premte ishte mysafir special në Kosovë.
Khan mbajti një ligjëratë në Xhaminë 4 Llullat në Prishtinë. E ku interesimi për ta dëgjuar ishte mjaftë i madh.
Për personalitetin e tij foli nikoqiri, i cili e vlerësoi si njërin ndër ligjëruesit më me ndikim në botën islame.
Ligjëratat e tij karakterizohen nga një qasje praktike dhe e thjeshtë, duke e bërë mesazhin e Kuranit të lehtë për t’u kuptuar dhe për t’u zbatuar në jetën e përditshme.
“Për këdo që merret me studim të medias e dinë se po aq e rëndësishme sa mesazhi është dhe vet mënyra se si ai jepet dhe formulohet. Nëse dëgjoni diçka në lajme p.sh e shihni se mënyra sesi dhënësi i lajmit e strukturon dhe formulon fjalinë apo storien ka impakt në atë sesi ju do mendoni në lidhje me atë lajm. Kështu që ne i kushtojmë vëmendje të veçantë jo vetëm asaj së çfarë Zoti thotë, por edhe mënyrës sesi na e thotë. Njëra nga mënyrat me të fuqishme sesi Zoti e jep mesazhin në Kuran janë vet storiet që na i tregon”.
Krytemë të ligjëratës së sotme pati dinamikën e storieve familjare të treguara në Kuran, ndër to storiet e profetëve të mëdhenj islam, Ademit, Nuhut dhe Jusufit, storie këto që përmbajnë shembuj të akteve të zilisë, xhelozisë përbrenda familjes, ku vese të tilla nuk kanë ndaluar së qenuri prezente në familjet njerëzore që nga fillimi i njerëzimit e deri më sot.
“Këto storie janë mënyra shumë të fuqishme për neve që të nxjerrim parime për atë sesi do duhej të jetonim jetët tona dhe ka një arsye pse Zoti i vendosi që nga fillimi i njerëzimit, nga storiet më të hershme janë ato që kanë të bëjnë me çështje shumë komplekse lidhur me familjen, pasi është pjesë e dizajnit të Zotit që çdo qenie njerëzore do ketë ndonjë lloj sfide me familjen e tij dhe do ju duhet të mësojnë nga shembuj të ndryshëm që zoti ka dhënë në Kuran”.
Nouman Ali Khan është edhe themelues i Institutit Bayyinah, një prej platformave më të njohura edukative për studimin e Kuranit dhe gjuhës arabe./teve1.info/
