Garuesja më e re e Kosovës në Lojërat Olimpike “Parisi 2024”, Hana Beiqi debuton sot në këtë ngjarje të madhe sportive.
Beiqi 15-vjeçare do të garoj sot në garat e notit, disiplinën 50 metra stil i lirë.
Garat e notit në Olimpiadë nisin në orën 11:00.
Ndërkohë, atletja Gresa Bakraqi e ka edhe një mundësi të dytë për të garuar në disiplinën 800 metra vrapim.
Bakraqi garoi të premten mbrëma por nuk arriti të kualifikohet. Kështu që, Bakraqi së bashku me të pakualifikuarat tjera do ta kenë edhe një garë dhe një mundësi tjetër kualifikimi.
Të gjitha garueset e pakualifikuara janë të ndara në katër grupe, ku të parat në secalin grup dhe dy të tjera me kohën më të shpejtë të gjitha grupeve do t’iu bashkohen atleteve të kualifikuara mbrëmë në gjysmëfinale.
Garat e atletikës nisin në orën 11:20.
Bakraqi në garën e mbrëmshe pati kohë prej 2 minutave e 13.29 sekondave dhe në renditjen e përgjithshme doli e 49-të.
Me paraqitjen e notares Beiqi dhe atletes Bakraqi, Kosova mbyll pjeswmarrjen nw Olimpiadën “Parisi 2024”, ngjarje në të cilën fitoi dy medalje.
Të argjendtën me anë të Distria Krasniqit dhe të bronztën nëpërmjet Laura Fazliut.
