Notari i Kosovës, Adell Shaboviq regjistroi rekord shtetëror në Lojërat Olimpike “Parisi 2024” por koha e tij nuk mjaftoi për të avancuar në gjysmëfinale të disiplinës 100 metra stil të lirë.
Shaboviq përfundoi kualifikimet me kohë 51.77 sekonda, duke dalë i dyti në baterinë e tij por nuk arriti të kualifikohet në gjysmëfinale.
Në përgjithësi, Shaboviq përfundoi i 58-ti nga 79 garues, duke lënë prapa vetes 21 notarë të tjerë.
Prej dhjetë baterive në kualifikime, 16-të notarët me kohën më të mirë avancuan tutje kurse fitues doli amerikani Jack Alexy me kohë prej 47.47 sekonda.
Për Shaboviqin, kjo ishte hera e parë që përfaqësoi Kosovën në Olimpiadë, ngjarje në të cilën mori pjesë me ftesë të universalitetit.
Pos Shaboviqit, Kosovën në garat e notit në Paris do ta përfaqësoj edhe Hana Beiqi, e cila do të garoj të shtunën në 50 metra stil të lirë.
