Nga zero e cila nënkupton vlerë të lartë të korrupsionit, e deri në 100, që nënkupton shoqëri pa korrupsion, Kosova njëjtë si vitin e kaluar, ka 41 pikë.
Ndërhyrjet e qeverisë në çështjet e gjyqësorit janë theksuar në Indeksin për Përceptimin e Korrupsionit gjatë viti 2023.
Qeveria ende duhet të përmirësojë transparencën dhe të përmbahet nga çdo ndërhyrje në sistemin e drejtësisë. Ndërsa skandalet e korrupsionit nuk kanë dalë në dritë vitin e kaluar, kjo nuk do të thotë se korrupsioni është nën kontroll. Shpenzimet e ulëta buxhetore për investime kapitale në vitet e fundit kanë reduktuar mundësitë për korrupsion në shpërndarjen e kontratave publike, gjë që ka qenë problem në të kaluarën.
Pikat e përmendura në raport, sipas Lëvizjes FOL, reflektojnë situatën reale të sistemit të drejtësisë në vend.
E nga IKD thonë se pa progres në luftimin e korrupsionit, Kosova është portretizuar në këtë raport, sikurse një vit më parë.
Ky raport, potencon se zbatimi i reformave në financimin e fushatës zgjedhore do të jetë kyç në muajt e ardhshëm.
