Në një përgjigje për teve1.info, njohësi i çështjeve të ekonomisë Mustafë Kadriaj është shprehur se qytetarët po e shohin këtë si mashtrim nga ana e Qeverisë.
“Vlerësoj se këtë tentim të manipulimit të Qeverisë me një pagesë prej 100 euro.. dhe kudo që i ka dhënë mundësia qytetarit me u shpreh është deklaruar se kjo është thjesht një mashtrim nga ana e Qeverisë, për faktin që së pari nuk është e drejtë të marrin të gjitha kategoritë, edhe ai që merr një mijë euro, për faktin që qëllimi është jo me marrë kategoritë që i kanë mbi 500 euro e tutje, por edhe ata që janë kategoritë më të ulëta dhe kjo në fakt nuk po dihet a është pako sociale apo pako ekonomike. Pako sociale duhet vetëm shtresës sociale me i marr, ndërsa kjo po i ngërthen në vete shtresat që kanë të hyra më të larta, ndërsa te pako ekonomike kjo nuk është vlerë që mundet të quhet pako ekonomike sepse një vlerë prej 100 euro nuk qëndron”, tha Kadriaj.
Sipas tij, pagesa prej 100 eurosh është qesharake, duke theksuar se këtë manipulim, siç e ka quajtur ai, Qeveria e ka bërë që t’i mbajë pensionistët dhe studentët si votues potencial.
Tutje, Kadriaj shtoi se Qeveria po mundohet t’u “hedh hi syve” qytetarëve, dhe se kjo do t’i kthehet boomerang në të ardhmen. Ai potencoi se qytetarët po presin që tu lejohet tërheqja e parave nga TRUST-i, përcjell teve1.info
“Duhet ta ketë të qartë Qeveria që qytetari është duke pritur mundësinë për të iu lejuar thjesht TRUST-i që ta tërhjekin thjesht djersen e vet, dhe kjo do duhej të kishte qenë e mirë edhe për qeverinë nëse do të ishte bërë tërheqja e TRUST-it sepse do të ishte liruar edhe vetë buxheti i shtetit. Në këtë drejtim, Qeveria as nuk merr hapa në pako ekonomike,as nuk lejon TRUST-in, por thjesht Qeveria po mundohet me ia hudh një hi syve qytetarëve, por kjo nuk qëndron dhe do kjo do t’i kthehet boomerang në të ardhmen, sepse ashtu siç ka tentuar të sillet me kësi lloj sjellje jokorrekte, joserioze dhe në fakt qytetari ia ka dhënë besimin për një qeverisje ndryshe , kur flasim për një qeverisje ndryshe, për një mirëqenie më të lartë, mirëqenie më të mirë, por jo një qeverisje ndryshe edhe më keq se ka qenë. Pra, qytetari çdo ditë e më shumë, ai zhgënjim i madh që është duke marrë qytetari çdo ditë e më shumë, do t’i kthehet me votë thjesht kësaj qeverie dhe kësaj partie në pushtet”, shtoi Kadriaj.
Qeveria e Kosovës ka marrë vendim që të ndahen shtesa prej 100 euro për pensionistët, punëtorët e sektorit publik e aty privat dhe studentët.
Lidhur me këtë, nga Ministria e Financave është bërë e ditur se paga për pensionistët dhe për sektorin publik do të bëhen gjatë këtij muaji, teksa për punëtorët e sektorit privat dhe studentët do të hapet një formë aplikimi.
Poashtu, si vendim parashihet edhe autorizimi i ministrit të Financave që të përcaktojë kritere, në mënyrë që të mos ketë përfitues më shumë se njëherë. /Teve1.info/
