Ambasadori gjerman në Kosovë, Jorn Rohde, ka reaguar pas aksionit të policisë në veri të vendit, që rezultoi me mbylljen e pesë komunave ilegale që operonin në kundërshtim me kushtetutën dhe ligjet e Kosovës.
Sipas Rohdes, njoftimi që kanë bërë policia dhe qeveritarët për këtë operacion, nuk do të thotë se të njëjtit janë konsultuar me aleatët.
Rohde shtoi se Gjermania dëshiron heqjen e masave ndaj Kosovës dhe integrimin e saj rajonal dhe evropian, andaj edhe nuk duhet të ketë me kriza, që sipas tij, janë të panevojshme.
“Njoftimi nuk është konsultim.
Gjermania i bashkohet Ambasadës amerikane, në shprehjen e shqetësimeve dhe zhgënjimit për veprimet e pakoordinuara. Kjo duhet të ndryshojë. Ne duam të heqim masat dhe të ecim përpara në lidhje Kosovën me integrimin rajonal dhe evropian. Nuk ka më kriza të panevojshme” shkroi Rohde.
Notification isn’t consultation.
🇩🇪 joins @USEmbPristina in expressing concerns and disappointment over uncoordinated actions.
This must change.
We want to lift measures and move on regarding 🇽🇰’s regional and European integration.
No more unnecessary crisis mode. https://t.co/jnjjZMzWFw— Ambassador Jörn Rohde (@GermanAmbKOS) August 30, 2024
