Përfitimet shëndetësore të hurmave arabe
Hurmat arabe janë një frutë që vjen nga palma e hurmës, e cila e ka origjinën në Lindjen e Mesme, megjithëse tani ato rriten edhe në Mesdhe, Azi, SHBA dhe Meksikë.
Hurmat e thata dhe të freskëta janë të disponueshme gjatë gjithë vitit, por ato të freskëta janë më të mira midis nëntorit dhe janarit.
Ka shumë varietete të ndryshme të frutave, por hurma medjool është një nga më të njohurat, pasi ka një cilësi dhe shije të ëmbël.
Top 5 përfitimet shëndetësore të hurmave
- Të pasura me antioksidantë
Hurmat arabe kanë veti të larta antioksiduese. Këto përfshijnë polifenolet, karotenoidet dhe lignanet, të cilat janë treguar se ndihmojnë në menaxhimin e rrezikut të sëmundjeve kronike.
- Mund të mbështesin shëndetin e zorrëve
Studimet mbi fibrat vazhdojnë të mbështesin rolin e tyre të rëndësishëm në shëndet, duke nisur nga nxitja e një mikrobiome të shëndetshme të zorrëve deri te reduktimi i rrezikut të disa gjendjeve shëndetësore afatgjata.
Një studim i vitit 2015 zbuloi se konsumimi i hurmave mund të reduktojë kancerin e zorrës së trashë falë përmbajtjes së lartë të fibrave dhe polifenolit, ky i fundit gjithashtu ka përfitime të dobishme anti-mikrobike.
- Ndihmojnë në shëndetin e kockave
Hurmat janë një burim i mineraleve miqësore me kockat duke përfshirë fosforin, kaliumin, kalciumin dhe magnezin si dhe vitaminë.
- Mund të lehtësojë një lindje natyrale
Përfshirja e hurmave në dietë në javët e fundit të shtatzënisë mund të nxisin zgjerimin e qafës së mitrës. Ato gjithashtu mendohet të jenë të dobishme në reduktimin e kohëzgjatjes së lindjes.
Përbërjet në fruta besohet se imitojnë efektet e oksitocinës, një hormon i përfshirë në kontraktimet e lindjes.
- Mund të jetë një zëvendësues i dobishëm i sheqerit
Shurupi i hurmës ka një indeks të ulët glicemik (GI) dhe një përmbajtje më të ulët të fruktozës se shumica e ëmbëlsuesve të tjerë.
A janë hurmat të sigurta për të gjithë?
Disa persona mund të jenë alergjikë ndaj hurmave dhe, përveç kësaj, komponimet e quajtura sulfite, për disa individë të ndjeshëm, mund të shkaktojnë simptoma alergjike. Nëse i përjetoni këto simptoma pas ngrënies së hurmave, flisni me mjekun tuaj.
