Kështu ka bërë të ditur përmes një njoftimi në Facebook ministri i Mbrojtjes, Armend Mehaj, duke thënë se heronjtë po vazhdojnë misionin e shenjtë për Kosovën.
“Specialistët tanë të deminimit janë duke kryer operacionet e pastrimit në Parkun e Lirisë në Ferizaj, ku kanë hasur në një sasi të madhe të municioneve eksplozive të llojeve dhe kalibrave të ndryshëm. Rreth 1600 copë municioneve të gjetura që përfshijnë predha të mortajës dhe artilerisë, të mbetura kryesisht nga Lufta e Dytë Botërore nuk do të paraqesin më rrezik për qytetarët tanë”, tha Mehaj.
Tutje ai ka thënë se kompania e deminimit do të vazhdoj me përkushtim të lartë deri në pastrimin e të gjitha fushave të rrezikshme me mina dhe municione eksplozive, shkruan teve1.info
“Vazhdojmë drejtë sukseseve të radhës”, shtoi ai.
