Pjesëtarët e Njësisë Speciale të Policisë së Kosovës rreth orës 10:00 janë parë sot në ambientet e fabrikës së veglave “Lola” në Zubin Potok ku kanë kryer kontroll në objekt dhe në terrenin e fabrikës për më shumë se një orë, raporton Kosovo Online.
Sipas tyre, në fabrikë nuk kishte njeri në momentin e bastisjes së policisë, kjo fabrikë nuk punon prej vitesh.
Zëdhënësi i Policisë për rajonin verior, Veton Elshani tha për kimradio se Agjencia e Privatizimit kishte kërkuar mbështetjen e Policisë, teksa të njëjtit sipas tij, tashmë janë larguar nga objekti.
“Ata kërkuan mbështetjen tonë nga Agjencia e Privatizimit, ata shkuan atje për të kontrolluar se çfarë po ndodh me objektin e tyre dhe njësitet tona dhe Policia e Ndërhyrjes ofruan mbështetje”, tha Elshani.
Ai shtoi se njësitet policore nuk janë më në terren, por pjesëtarët e Agjencisë janë ende aty.
