Një nga katër të vdekurit në aksidentin që ndodhi më magjistralen Ferizaj-Shtime, është punonjës i Drejtorisë së Bujqësisë në Komunën e Ferizajt.
Këtë e ka bërë të ditur kryetari i komunës së Ferizajt, Agim Aliu.
Ai u ka shprehur ngushëllime familjeve që kanë humbur të afërmit e tyre, ndërsa u ka uruar shërim të lënduarve.
“Pa fjalë, të tronditur nga aksidenti i sotëm në magjistralen Ferizaj-Shtime, ku humbën jetën 4 bashkëqytetarë, dy prej tyre nga fshati Dremjak i Ferizajt e dy nga Komuna e Shtimes, në mesin e tyre edhe një punonjës i Drejtorisë së Bujqësisë në Komunën e Ferizajt. Në këto momente dhembje e pikëllimi të thellë, jemi me familjet e tyre, për t’i shprehur ngushëllimet më të sinqerta, për humbjen e më të dashurve të tyre në këtë aksident tragjik”, ka shkruar ai./teve1.info/
https://teve1.info/lajmet/burre-e-grua-te-lenduar-ne-aksidentin-ne-ferizaj-26-vjecarja-ne-gjendje-te-rende/