Sot janë bërë një vit që në tavolinën e bisedimeve nuk janë ulur sy më sy kryeministri i Kosovës, Albin Kurti dhe presidenti i Serbisë, Aleksandar Vuçiq. Njohësit e politikës po thonë se për këto mossuksese përgjegjës janë Bashkimi Evropian. Derisa këta të fundit provuan që t’i ftojnë kryenegociatorët e dy vendeve, mirëpo edhe këtu dështuan.
Të shtunën, u bënë një vit që kryeministri i Kosovës, Albin Kurti dhe presidenti i Serbisë, Aleksandar Vuçiq nuk janë takuar.
E njohësi i politikës, Albinot Maloku thotë se përgjegjës për sukseset dhe mossukseset e dialogut Kosovë – Serbi është BE-ja.
E një përpjekje e Bashkimit Evropian ishte që më 17 shtator të takohen kryenegociatorët e dy vendeve.
Mirëpo as Besnik Bislimi dhe Petar Petkoviq nuk do të kenë një takim sy më sy.
Kjo pasi, Serbia refuzoi agjendën e ditës dhe temat e përcaktuara nga BE-ja.
Sipas Visar Xanit, ky refuzim i palës serbe duhet të përdoret nga shteti Kosovës.
Gjatë këtij muaji, emisari i Bashkimit Evropian për dialogun Kosovë – Serbi, Miroslav Lajcak e ka vizituar Kosovën dhe Serbinë para se të thërriste takimin trepalësh në Bruksel.