Një veturë ka rënë sot në Liqenin e Ujmanit, ka konfirmuar për Gazetën Online Reporteri.net Policia e Kosovës.
Sipas Erduan Baliqit, shef i planifikimit dhe vlerësimit operacional në veri, ngjarja ka ndodhur rreth orës 12:30.
Ai tha se dy qytetarë kishin shkuar në zonë si vizitorë për të parë Urën e Ujmanit dhe e kishin parkuar veturën. e cila më pas kishte rënë në liqen.
“Dy qytetarë kanë shkuar atje si vizitorë. Derisa po bënin fotografi buzë liqenit, në momentin që janë nisur për t’u kthyer, kanë parë veturën e tyre duke rënë në ujë. Për fat, nuk ka të lënduar. Rasti po trajtohet si incident,” ka deklaruar Baliqi.
