Një vajzë në rrethana ende të panjohura ka rënë nga kati i dytë i një shkolle, dje në Ferizaj, me ç’rast ka pësuar lëndime të rënda trupore.
Policia e Kosovës ka bërë të ditur se viktima ka pranuar tretman mjekësor në Emergjencën e Ferizajt, e më pas është dërguar në QKUK në Prishtinë për tretman të mëtutjeshëm mjekësor.
Në raportin 24-orësh është bërë e ditur se hetimet për këtë rast janë ende duke vazhduar.
“LËNDIM I RËNDË TRUPOR -Ferizaj 01.06.2023 – 12:20. Raportohet se viktima femër kosovare në rrethana ende të pa njohura ka rënë nga kati i dytë i shkollës me ç’rast ka pësuar lëndime të rënda trupore. Viktima fillimisht ka pranuar tretman mjekësor në emergjencën e Ferizajt e më pas është dërguar në QKUK Prishtinë për tretman të mëtutjeshëm mjekësor. Në lidhje me rastin është konsultuar prokurori i shtetit, rasti në procedurë hetimore”, thuhet në njoftimin e Policisë. /teve1.info/
