Treni ka goditur një veturë, sot, afër kazermës “Adem Jashari” në Prishtinë.
Për pasojë ka lënë të lënduar një ushtar të FSK-së.
Kështu ka bërë të ditur Mirsim Beqiri nga KHAIA-ja, i cili tha se ekipi kujdestar ka dalë menjëherë në vendin e ngjarjes për të kryer ekzaminimet e nevojshme në bashkëpunim me Policinë e Kosovës.
Për tëvë1.info, nga Policia kanë thënë se tashmë me rastin po merret Njësiti i Trafikut.
Ndërkohë, televizioni pasditen e sotme publikoi videon, ku shihet se ushtarët nxorën shoferin nga vetura dhe i dhanë ndihmën e parë.
“Rreth orës 16:00 kemi pranuar informatën për një aksident në afërsi të Kazermës ‘Adem Jashari’ në Prishtinë. Në këtë aksident ka qenë i përfshirë një tren dhe një automjet. Si pasojë e aksidentit, një person është lënduar. Me rastin po merret Njësiti i Trafikut Rajonal.
Ndërkaq, redaksia ka dërguar pyetje edhe në QKUK për ushtarin e lënduar, por të njëjtin nuk kanë kthyer përgjigje. /teve1.info/
Treni godet një veturë te kazerma “Adem Jashari”, ushtarët i japin ndihmën e parë shoferit
