Një 34-vjeçar me origjinë shqiptare ka vdekur në një aksident në Rosignano (Livorno) të Italisë në orët e vona të së shtunës.
Sipas mediave italiane, F.ZH. udhëtonte me motor, kur u përplas me një veturë Audi Q3, në rrethana momentalisht të paqarta. Për pasojë, i riu humbi kontrollin e mjetit dhe u përplas me një pemë në anë të rrugës.
Kalimtarë të rastit, por edhe shërbimet e emergjencës i shkuan në ndihmë 34-vjeçarit, por fatkeqësisht plagët e marra ishin të rënda dhe ai gjeti vdekjen në vendin e ngjarjes.
Autoritetet policore ndaluan shoferin e veturës, një 57-vjeçar dhe nisën hetimet për të zbardhur rrethanat e aksidentit të rëndë./tvklan.al
