Në mënyrë të organizuar dhe të paralajmëruar, ia mësynë lagjes Veternik në kryeqytet.
Ekipet e Kompanisë Rajonale të Ujësjellësit, cak patën bizneset me borxhe të ujit.
Ky aksion u përcoll edhe nga Policia e Kosovës.
Njëri prej borxhlinjëve të KRU Prishtina, që ishte kopsht privat për fëmijë, pati edhe përplasje verbale me përfaqësuesit e ujësjellësit.
Jo të gjithë patën këtë reagim.
“Patëm edhe raste të tjera të bizneseve që në momentin e parë që i panë ekipet tona bashkë me mediat, që po shkojnë t’i shkyçin, ata e bënë pagesën aty për aty, dhe nuk lejuan që të shkyçen nga shërbimet e ujësjellësit., tha Arjeta Mjeku, zwdhwnse e KRU Prishtina.
Aksioni i së mërkurës, rezultoi me gjashtë vërejtje për pagesë.
“Të gjithë ata konsumatorë që i vizituam sot dhe i shkyçëm, ne i presim në zyret tona për të bërë marrëveshje për rikyçje. Ndërsa atyre që iu kemi lënë vërejtje, nëse nuk lajmërohen sipas zotimeve të tyre deri në ora 13:00, sigurisht që ekipi i inspektorëve do të del dhe do t’i shkyç ata”, tha Kushtrim Zeneli, menaxher i departamentit të kontrollit dhe shkyqjeve
Nga bizneset e vogla e të mëdha, borxhi në KRU Prishtina arrin në 5 milionë euro, kurse 40 milionë të tjera janë të amvisërisë.
