Një këmbësor ka pësuar lëndime trupore pasi është goditur nga një veturë në rrugën “Bill Klinton” në Prishtinë të shtunën rreth orës 19:00.
Zëdhënësja rajonale e Policisë së Kosovës, Flora Ahmeti ka thënë për teve1.info se këmbësori është dërguar për tretman mjekësor.
“Sot rreth orës 19:00 në rrugën “Bill Klinton” në Prishtinë, ka ndodhur një aksident trafiku në mes të një automjeti dhe një këmbësori. Si pasojë e aksidentit është lënduar këmbësori i cili është dërguar për tretman mjekësor. Me rastin po merret njësiti i trafikut”, ka thënë Ahmeti.
