Policia e Kosovës njofton se një qytetar ka gjetur një shumë të parave në Mitrovicë.
Përmes një njoftimi në Facebook, thuhet se Policia është duke kërkuar personin që i kanë humbur paratë, pasi deri tani s’është identifikuar ende.
“Gjatë ditës së sotme, në Stacionin Policor Jugu në Mitrovicë, është paraqitur një qytetar i cili ka njoftuar policinë se në rrugën “ Mbretëresha Teutë” në Mitrovicë, kishte gjetur një shumë të parave. Me gjithë përpjekjen e policisë për identifikimin e pronarit të parave në lokacionin ku ishin gjetur paratë, deri në këto momente nuk është arritur të identifikohet pësoni (pronari ) i parave”, thuhet në njoftimin e Policisë.
Teksa në përfundim, thuhet se Policia e ka lëshuar këtë informacion që pronari të cilit i kanë humbur paratë, të lajmërohet në Stacionin Policor Jugu në Mitrovicë./teve1.info/.
