Një zyrtar policor ka raportuar në polici se derisa ishte nën shoqërimin e një personi duke rregulluar automjetin është sulmuar fizikisht nga pesë persona, ku njëri prej të dyshuarve kishte shtënë me armë zjarri në vendin e ngjarjes.
Në raportin 24-orësh të Policisë thuhet se rasti ka ndodhur në rrugën “Mikel Marku” në Pejë pasditën e së mërkurës derisa viktima ishte jashtë detyrës zyrtare.
Sipas Policisë viktima nuk ka pranuar tretman mjekësor, ndërsa njëri nga të dyshuarit ka pranuar tretman mjekësor pasi që ishte sulmuar me mjete të forta nga katër të dyshuarit e tjerë.
I njëjti thuhet se është paraqitur në stacionin policor dhe gjatë kontrollit është gjetur dhe sekuestruar një armë pistoletë.
Po ashtu bëhet e ditur se pas intervistimit me vendim të prokurorit i dyshuari është liruar në procedurë të rregullt, ndërkaq katër të dyshuarit tjerë gjenden në arrati.
“Ankuesi mashkull kosovar zyrtar policor jashtë detyrës zyrtare, ka raportuar se deri sa ishte nën shoqërimin e një personi duke rregulluar automjetin është sulmuar fizikisht nga pesë të dyshuar meshkuj kosovarë ku njëri prej të dyshuarve kishte shtënë me armë zjarri në vendin e ngjarjes. Viktima nuk ka pranuar tretman mjekësor, ndërsa njëri nga të dyshuarit ka pranuar tretman mjekësor pasi që ishte sulmuar me mjete të forta nga katër të dyshuarit e tjerë. I njëjti është paraqitur në stacionin policor dhe gjatë kontrollit është gjetur dhe sekuestruar një armë pistoletë. Pas intervistimit me vendim të prokurorit i dyshuari është liruar në procedurë të rregullt. Ndërsa katër të dyshuarit tjerë gjenden në arrati”, thuhet në raport.
