Një zjarr ka përfshirë pjesë të maleve të Deçanit.
Kjo është bërë e ditur nga Lidhja e Historianëve të Kosovës “Ali Hadri” dega në Deçan të cilët ka bërë thirrje për ndërhyrje të menjëhershme nga autoritetet shtetërore për të ndaluar përhapjen e flakëve.
“Ju bëjmë thirrje autoriteteve shtetërore për ndërhyrje emergjente në ndaljen e zjarreve në malet e Deçanit, zjarr i cili ka marrë përmasa shqetësuese. Dënojmë zjarrvënien e cila ka shkatërruar hektarë të tërë të pasur me bimë, gështenja e drunj të ndryshëm”, thuhet në reagimin e Lidhjes.
