Prokuroria e Ferizajt ka njoftuar se E.S personi i parë i arrestuar për therjen me thikë të katër personave në Ferizaj të hënën nuk pas të bëjë me rastin.
Sipas Prokurorisë profili i tij ka qenë i ngjashëm me të dyshuarin kryesor.
“Si fillim është ndaluar një person tjetër i cili u raportua në media E.S, i njëjti i është përshtatur profilit të të dyshuarit. E kanë shiku atë, i kanë shiku kamerat, veshjen gjithçka është përshtat me të kërkuarin dhe me ngjarjen. Pra kanë qenë dyshimet e para se ai ka kryer këtë vepër penale, por më vonë është ndaluar një tjetër person që në fakt ka rezultuar që tashmë është i dyshuari kryesor në këtë rast. Pra ndalimi i tij është bërë për shkak se të dhënat i janë përshtatur profilit të të kërkuarit. Por për detaje të tjera besoj do të sqarohet Policia e Kosovës”, ka thënë zëdhënësja e Prokuroria Themelore në Ferizaj, Vjosa Baftiu, për Tëvë1.
Ajo ka bërë të ditur se E.S është liruar.
Ndërsa i dyshuari kryesor për këtë rast F.I, është arrestuar dhe ndaluar për 48 orë.
Personi që theri katër persona në Ferizaj ishte i dënuar edhe për vrasjen e gruas
