Policia e Kosovës ka njoftuar se një person është therur me thikë në zonën e Santeas në Prishtinë.
Sipas njoftimit, viktima ka pësuar lëndime të rënda trupore dhe është dërguar për trajtim mjekësor.
Tutje bëhet e ditur se i dyshuari për këtë rast është arrestuar. Policia ka bërë të ditur se i dyshuari, mashkull kosovar, dyshohet se e ka sulmuar fizikisht viktimën duke e goditur me thikë.
“Si pasojë e sulmit, viktima ka pësuar lëndime të rënda trupore dhe është dërguar në trajtim mjekësor. I dyshuari, me vendim të prokurorit, është dërguar në mbajtje”, thuhet në njoftimin e policisë.
