Disa persona kanë sulmuar fizikisht dhe kanë tentuar ta rrëmbejnë një qytetar, të shtunën mbrëma në Vushtrri.
Rastin në Policinë e Kosovës e ka bërë të ditur vetë viktima, i cili ka thënë se pas shkëmbimit të disa mesazheve lidhur me një borxh, derisa ka qenë me veturë në lëvizje, tri automjete i kanë bllokuar rrugën dhe më pas kanë tentuar ta fusin në veturën e tyre.
Viktima është vetëmbrojtur dhe nga pamundësia për ta rrëmbyer të dyshuarit janë larguar nga vendi i ngjarjes, shkruan teve1.info
Policia e Kosovës thotë se rasti është ende në procedurë hetimore.
“Vushtrri 23.12.2023-22:48. Viktima mashkull kosovar ka raportuar se pas shkëmbimit të disa mesazheve me të dyshuarin mashkull kosovar – rreth një borxhi dhe derisa ishte me veturë në lëvizje, tri automjete i kanë bllokuar rrugë dhe nga ato janë dal disa persona të cilët duke e sulmua fizikisht janë munduar ta fusin në veturën e tyre, por në pamundësi janë larguar nga vendi i ngjarjes. Është njoftuar prokurori rasti në procedurë hetimore”, thuhet në raportin ditor të PK-së./teve1.info/
