Një person është arrestuar nga Policia e Kosovës, pasi që i njëjti dyshohet se ka sulmuar një gazetare dhe kolegun e saj, në një xhami afër sheshit “Hasan Prishtina” në Vushtrri.
Policia thotë se rasti ka ndodhur kur gazetarja po realizonte intervistë me imamin e xhamisë.
Në raportin ditor është bërë e ditur se me vendim të prokurorit, i dyshuari pas intervistimit është liruar dhe rasti ka shkuar në procedurë të rregullt.
“Sheshi Hasan Prishtina, Vushtrri 10.11.2023 – 12:50. Është arrestuar i dyshuari mashkull kosovar, pasi që në xhami ka sulmuar gazetaren femër kosovare dhe kolegun e saj mashkull kosovar, të cilët ishin duke biseduar me imamin e xhamisë për një intervistë. Me vendim të prokurorit pas intervistimit i dyshuari është liruar dhe rasti shkon në procedurë të rregullt”, thuhet në njoftimin e Policisë së Kosovës./teve1.info/
