Një person është ankuar në polici të shtunën në Leposaviq, pasi që ishte sulmuar fizikisht nga dy persona të panjohur.
Në raportin e policisë bëhet e ditur se viktima ka pësuar lëndime të lehta trupore dhe i është ofruar tretman mjekësor.
Sipas hetimeve të policisë, lidhur me rastin janë arrestuar tre persona të dyshuar dhe njëri nga ata është i mitur.
Me vendim të prokurorit, të dyshuarit pas intervistimit janë liruar në procedurë të rregullt dhe rasti është duke u hetuar nga njësitet kompetente policore.
“Rr. 24-Nëntori, Leposaviq / 13.04.2024 – 02:15. Viktima mashkull kosovar ka raportuar se ishte sulmuar fizikisht nga dy të dyshuar të panjohur. Si pasojë e sulmit viktima ka pësuar lëndime të lehta trupore për çka dhe i është ofruar tretmani mjekësorë. Pas hetimeve të zhvilluara lidhur me rastin janë identifikuar dhe arrestuar tre të dyshuar kosovar-njëri i mitur. Me vendim të prokurorit, të dyshuarit pas intervistimit janë liruar në procedurë të rregullt. Rasti është duke u hetuar nga njësitet kompetente policore”, thuhet në raport./teve1.info/
