Një person ka mbetur i lënduar nga disa të shtëna me armë zjarri sot në mëngjes në Strellc të Deçanit.
Kështu ka bërë të ditur për teve1.info zëdhënësi i policisë për rajonin e Pejës, Driton Rugova, i cili tha se i lënduari është dërguar fillimisht në QKMF-Deçan e më pas në Spitalin Rajonal në Pejë për tretman mjekësor.
“Sot rreth orës 06:40, Policia është njoftuar për të shtëna me armë në drejtim të një personi në fshatin Strellc-Deçan, Policia menjëherë ka dalë në vendin e ngjarjes, i lënduari është dërguar fillimisht në QKMF-Deçan e më pas në Spitalin Rajonal në Pejë, për tretman mjekësor, njësitet relevante janë në vendin e ngjarjes duke u marrë me rastin”, tha ai.
