Një person ka vdekur si pasojë e rrokullisjes me traktor, pasditen e sotme në afërsi të “Varrezave të Dëshmorëve” në Kaçanik.
Zëdhënësi i Policisë së Kosovës për rajonin e Ferizajt, Kanun Veseli, për teve1.info ka treguar se si dyshohet se ka ndodhur rasti.
“Në lidhje me rastin është njoftuar njësia rajonale e trafikut për procedurat e mëtejme. Në rrethana ende të pasqaruara, dyshohet se traktori është rrokullisur disa metra nga rruga e fshatit Stagovë dhe ka përfunduar poshtë në rrugën magjistrale Kaçanik-Hani Elezit”, tha Veseli.
Sipas tij, pas mbërritjes së ekipit mjekësor të urgjencës, është konfirmuar se personi nuk kishte shenja jete.
I njëjti theksoi se hetimet lidhur me rastin janë duke vazhduar./teve1.info/
