Një person është dërguar pa shenja jete nga familjarët e tij në Qendrën Kryesore të Mjekësisë Familjare në Malishevë.
Kështu ka konfirmuar për tëvë1.info, zëdhënësi i policisë për rajonin e Gjakovës, Shehremet Elezaj i cili ka thënë se sipas informatave fillestare, viktima ka qenë në oborr dhe pas hyrjes në shtëpi kishte humbur ndjenjat.
Sipas Elezajt, me rastin janë duke u marrë veprimet e nevojshme hetimore.
“Sot rreth orës 08:15, nga Qendra Kryesore e Mjekësisë Familjare në Malishevë jemi njoftuar se një person i moshës madhore nga fshati Javiq ishte dërguar nga familjarët pa shenja jete. Vdekja është konstatuar nga mjeku kujdestar. Njësitë përkatëse policore kanë dalë në vendin e ngjarjes. Sipas informatave fillestare, viktima kishte qenë në oborr dhe pas hyrjes në shtëpi kishte humbur ndjenjat. Aktualisht janë duke u ndërmarrë veprimet e nevojshme hetimore”, ka deklaruar Elezaj./teve1.info/
