Një fëmijë është shpëtuar nga një zjarr i cili e kaploi këtë objekt në Prishtinë.
Kjo u arrit më ndihëm e tre policëve të cilët kërcyen nga një lartësi që t’i dalin në ndihëm një 11-vjeçarit.
E për këtë, avokati, Arian Vranovci i cili ka zyrën në këtë ndërtesë po kërkon që të shpallen hero tre policët që ia shpëtuan jetën këtij fëmije.
“Kërkojmë nga Ministria e Brendshme të shpallë tre persona tre policë një civil dhe dy në uniformë të i shpallë heronjtë e ditës sepse kanë kërcyer nga një lartës jo normal për ta shpëtuar një fëmijë i cili në gjendje kaotike ku kishte ikur nga shtëpia dhe kishte dalë në ballkon, një terracw më xhama dhe arritwn ta shpwtojnë”, tha Vranovci.
Gjithçka nisi nga podrumi i kësaj ndërtesë.
Nga tymi që u shkaktua nga zjarri një banori iu deshtë të kërkonte ndihmë mjekësore pasi kishte probleme më frymëmarrje, por të lënduar nuk pati.
“Zjarri ka filluar poshtë në shitore nëpërmjet liftit ka shkuar lartë. Kemi marrë komplet dy”, Latif Zeka, Komandant i Zjarrfikësve të Brigadës së Prishtinës.
Pasditen e së enjtes në vendin e ngjarjes dolën ekipet të policisë.
“Policia e Kosovës sot rreth orës 12:30 ka marrë një informatë për një zjarr në rrugën Lidhja e Prizrenit. Policia menjëherë ka dalë në vendin e zjarrit dhe ka bërë evakuimin e personave që kanë qenë brenda. Falë reagimit të Policisë është bërë evakuimin një fëmijë që ka qenë brenda. Për momentin persona të lënduar nuk ka dhe zjarrfikësit janë duke e kryer punën e vetë për momentin nuk ka pasoja për banesat dhe banoret për rreth”, tha Shkelzen Xhafa, shef i Operatives Rajonale të Drejtorisë së Policisë.
Rrruga “Lidhja e Prizrenit” qëndroi e mbyllur për më shumë se dy orë.
