Shefi i asamblistëve të Vetëvendosjes në Prishtinë, Gëzim Sveçla ka konfirmuar se Berna Saraçi është sërish asambliste e kësaj partie në Kuvendin Komunal të kryeqytetit.
“Na 3 asamblistët, sonte, në takim me Kryeministrin. Vazhdojmë rrugëtimin bashkë me Bernën”, ka shkruar Sveçla në Facebook, si përshkrim të fotos ku shihet me asamblistët Saraçi dhe Arianit Beqiri, dhe kryeministrin Albin Kurti.
Me lëvizjen e Saraçit drejt PDK-së kohë më parë, partitë në pushtet LDK-PDK, kthyen shumicën. Tash “loja” sërish është përmbysur.
Në seancën e fundit, koalicioni në pushtet pati edhe dy vota të tjera që nga opozita iu kthyen pro.
LVV-ja dhe PDK-ja të enjten patën përleshje fizike në Kuvendin e Kosovës. Ministrat e VV-së e deputetët e PDK-së shkëmbyen grushte e shuplaka.
