Gjykata Themelore në Ferizaj ka njoftuar se për shkak të dyshimit të bazuar se ka kryer veprën penale vrasja në tentativë ka caktuar masën e paraburgimit prej 1 muaj kundër të miturit që theri një të mitur tjetër në Ferizaj më 27 prill.
Sipas njoftimit rasti ka ndodhur në një rrugë në Ferizaj, përkatësisht përballë shkollës se mesme të mjekësisë pas një mosmarrëveshje të mëhershme, përmes rrjetit social “snapchat” dhe me tu takuar në oborrin e shkollës së lartcekur i mituri fillimisht e ofendon me fjalë banale të dëmtuarin, e më pas e godet tre herë radhazi me thikë në pjesën e gjoksit dhe krahut.
Më tej thuhet se si pasojë e këtyre goditjeve viktima pëson lëndime të rënda trupore dhe për shkak të gjendjes kritike shëndetësore, i njëjti është transferuar menjëherë në Qendrën Klinike Universitare të Kosovës (QKUK) në Prishtinë.
“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamenti për të Mitur – Shabi Idrizi, ka vlerësuar se ekziston dyshimi i arsyeshëm se me datë 27.04.2025, rreth orës 15:10, në një rrugë në Ferizaj, përkatësisht përballë shkollës se mesme të mjekësisë, i mituri me dashje ka tentuar që ta privojë nga jeta të dëmtuarin e mitur, në atë mënyrë që, pas një mosmarrëveshje të mëhershme, përmes rrjetit social “snapchat”, dhe me tu takuar në oborrin e shkollës së lartcekur, i mituri paraprakisht kishte siguruar një mjet të mprehtë-thikë, mjet ky i përshtatshëm për shkaktimin e lëndimit të rëndë trupor apo dëmtimin e shëndetit, ku fillimisht e ofendon me fjalë banale të dëmtuarin, e më pas e godet tre herë radhazi me thikë në pjesën e gjoksit dhe krahut, për çka i njëjti si pasojë e këtyre goditjeve pëson lëndime të rënda trupore, e për ato lëndime posedon edhe raport mjekësor të datës 27.04.2025, lëshuar nga Spitali i Përgjithshëm, Qendra Emergjente në Ferizaj, e për shkak të gjendjes kritike shëndetësore, i njëjti transferohet menjëherë në QKUK në Prishtinë”, thuhet në njoftim./teve1.info/
Arrestohet njëri nga të dyshuarit për therjen me thikë të 16-vjeçarit në Ferizaj
