Gjykata Themelore në Prizreni ka caktuar masën e arrestit shtëpiak prej 1 muaj ministrit të Zhvillimit Rajonal, Fikrim Damka dhe të pandehurit tjetër për veprat penale sulm dhe kanosje.
Kjo është bërë e ditur në përmes një komunikatë për media nga kjo gjykatë, e cila ka refuzuar kërkesën e Prokurorisë Themelore për caktimin e masës së paraburgimit
“Caktohet masa e arrestit shtëpiak ndaj dy (2) të pandehurve , për shkak të dyshimit të bazuar se secili veç e veç kanë kryer veprat penale, Sulmi dhe Kanosja Prizren, 11 shkurt 2025– Gjykata Themelore në Prizren, Departamenti i Përgjithshëm, gjyqtarja e procedurës – ka refuzuar kërkesën e Prokurorisë së Shtetit, për caktimin e masës së paraburgimit ndaj dy (2) të pandehurve, dhe ka marrë AKTVENDIM, për caktimin e masës së arrestit shtëpiak ndaj të pandehurve:– F.D., (I), për shkak të dyshimit të bazuar se ka kryer veprat penale: sulmi nga neni 181 par.1 të KP-së, dhe për veprën penale kanosja nga neni 181 par.2 lidhur me par.1 të KP-së., dhe ndaj të dyshuarit– F.D. (II), për shkak të dyshimit zë bazuar se ka kryer veprat penale: sulmi nga neni 184 par.1, dhe veprën penale kanosja nga neni 181 par.1 të KP-së”, thuhet në komunikatë.
Masa e arrestit shtëpiak është caktuar në kohëzgjatje prej një (1) muaji, e cila do të llogaritet prej kohës së arrestimit 09.02.2025 dhe mund të zgjasë deri më datën 09.03.2025.
“Të pandehurit nuk guxojnë që të largohen nga vendbanimi pa lejen e Gjykatës, si dhe iu ndalohet të kontaktojnë me personat me të cilët ata nuk jetojnë apo nuk janë të varur nga të pandehurit”, thuhet tutje në komunikatë./teve1.info/
