Drejtori i Përgjithshëm i Policisë së Kosovës, Gazmend Hoxha ka thënë se janë arrestuar shtatë persona të dyshuar për planifikimin dhe vrasjen e rreshterit, Muhamed Lika.
Ai tha se janë bastisur nëntë lokacione, shumica në Kaçanik dhe një në Klinë dhe se vrasja e tij dyshohet se lidhet me punën e tij si polic.
Hoxha ka thënë se një nga të arrestuarit për vrasje është ish-pjesëtarë i FSK-së, si dhe një 18-vjeçar.
“Janë bastisur 9 lokacione, shumica e tyre në Kacanik dhe një në një fshat të Klinë. Janë arrestuar shtatë persona të dyshuar, të cilët dyshohet se kanë marrë pjesë në planifikim dhe vrasjen e rreshteri, Muhamed Lika… Janë sekuestruar dy vetura telefona laptopë, armë zyrtare, maska, kapela, rroba, fishekë e dylbi. Gjatë operacionit kanë marrë pjesë Drejtoria e Hetimeve të Krimeve të Renda dhe Njësitë Speciale…Njëri nga ta, pra nga të arrestuarit, sot mbush 18 vjet”, ka deklaruar ai.
