Përmes një postimi në Facebook, IKSHPK ka bërë thirrje ndaj qytetarëve për bartjen e maskave në ambiente të mbyllura si dhe vaksinim.
Sipas IKSHPK-së, në bazë të numrit të madh të rasteve me COVID-19 ditëve të fundit, ka tendencë që numri të rritet në vijim.
“Ju lutemi bartni maskat në ambiente të mbyllura dhe vaksinohuni! Kosova po vazhdon të shënojë shtim të rasteve të reja të COVID-19 me tendencë të rritjes ditët në vijim. Fatkeqësisht sot është raportuar një rast i vdekjeve nga kjo sëmundje! Në vende të ndryshme të botës, po regjistrohen raste të shumta të COVID-19, sepse pandemia COVID-19 nuk ka mbaruar. IKSHPK është duke vazhduar pandërprerë me testimin dhe gjurmimin e të gjitha rasteve, kontakteve të rasteve në komunitet dhe diagnostikimin laboratorik andaj të gjithë personat me kokëdhembje, kollitje, dhembje fyti, vështërsi në frymëmarrje, rrjedhje hundësh, temperaturë, plogështi, humbje e shijes, rekomandohen të testohen”, thuhet ndër tjerash në njoftim./teve1.info/
