Një person ka vdekur dhe tre të tjerë kanë mbetur të lënduar nga një vetaksident që ka ndodhur në fshatin Vogovë të Gjakovës.
Lajmin për tëvë1.info e ka konfirmuar zëdhënësi i Policisë për këtë rajon, Sheremet Elezaj, i cili ka bërë të ditur se viktima ishte shtetas i Shqipërisë.
Elezaj po ashtu ka njoftuar se tre të lënduarit janë dërguar për trajtim mjekësor.
“Me datën 27.04.2025, rreth orës 02:05, jemi njoftuar për një aksident trafiku në fshatin Vogovë – Gjakovë. Në vendin e ngjarjes kanë dalë njësitet e nevojshme policore, ku dyshohet se shoferi i një automjeti, gjatë lëvizjes, ka humbur kontrollin mbi automjetin dhe është vet-aksidentuar. Si pasojë e aksidentit, një person (mashkull, shtetas i Shqipërisë) ka humbur jetën, ndërsa tre persona të tjerë kanë pësuar lëndime dhe janë dërguar për trajtim mjekësor.”, ka thënë ai./teve1.info/
