Një 40-vjeçar ka mbetur i vdekur nga shembja e dheut në vendin e tij të punës në rrugën “Gjilani” në lagjen Veternik të Prishtinës.
Kështu ka bërë të ditur për tëvë1.info, zëdhënësi i policisë për rajonin e Prishtinës, Agron Borovci i cili tha se një person tjetër është duke u trajtuar në QKUK.
“Sot rreth orës 13:00, është pranuar informacioni se dy persona janë zënë nga shembja e dheut në një vendpunishte në rrugën “Gjilani” në lagjen Veterniku në Prishtinë. Nga informacionet e para është bërë e ditur se njëri nga ta është nxjerrë nga aty dhe po merr trajtimin e nevojshëm mjekësor në QKUK, ndërkaq fatkeqësisht, tjetri, mashkull, rreth 40 vjeç, është konstatuar pa shenja jete, nga ana e mjekëve emergjent. Policia ka dalë në vendin e ngjarjes, dhe në koordinim me prokurorin e shtetit si dhe mekanizmat e tjerë të nevojshëm po vijon punën për sqarimin e rrethanave që karakterizojnë ngjarjen”, ka deklaruar Borovci./teve1.info/
