Sot rreth orës 18:00 në lagjen Zllatarë të Prishtinës ka pasur gjuajtje me armë zjarri, raporton teve1.info.
Lajmin për teve1.info e ka konfirmuar zëdhënësja e Policisë, Flora Ahmeti.
Sipas saj, si pasojë kanë mbetur të lënduar dy persona, ku njëri prej tyre dyshohet se është lënduar gjatë përleshjes fizike, ndërsa tjetri dyshohet se me armë zjarri është vetëplagosur.
Teksa të njëjtit janë dërguar në tretman mjekësor.
“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, në këtë rast janë lënduar dy persona. Njëri nga personat dyshohet se është lënduar gjatë përleshjes fizike, ndërsa tjetri dyshohet se me armë zjarri është vetëplagosur. Të dy personat e lënduar janë dërguar për tretman mjekësor”, tha Ahmeti./teve1.info./
