Një person ka mbetur i lënduar si pasojë e përleshjes mes disa personave në sheshin e qytetit të Podujevës.
Kështu ka bërë të ditur për tëvë1.info, zëdhënësja e policisë për rajonin e Prishtinës, Flora Ahmeti e cila ka thënë se dy persona janë shoqëruar në Polici, ku njëri nga ta është i lënduari.
Policia ka bërë të ditur se po vazhdon punën për zbardhjen e rrethanave dhe motiveve të rastit.
“Sot rreth orës 13:30 kemi pranuar informatën për një rrahje në Sheshin e qytetit në Podujevë. Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes një person është lënduar. Lidhur me këtë rast policia ka shoqëruar në stacion policor dy persona (njëri nga ta i lënduar) të cilët ishin të përfshirë në rast. Aktualisht policia po vazhdon punën për zbardhjen e rrethanave dhe motiveve që karakterizojnë ngjarjen”, ka deklaruar Ahmeti./teve1.info/
