Sipas komunikatë, tek i dyshuari po ashtu janë gjetur dy qese me 122 gramë substancë narkotike të dyshuar të llojit marihuanë.
Ndërsa arrestimi i qytetarit me shtetësi të Kosovës dhe konfiskimi i substancës narkotike është bërë gjatë një plani operativ nga njësia policore nga stacioni për mbikëqyrje të kufirit.
“Me datë 15.09.2022 në orën 22:10, njësia policore nga stacioni policor për mbikëqyrje të kufirit në Vërmicë, kanë ndaluar një automjet me targa vendore me drejtues të dyshuarin mashkull kosovar, i cili ishte duke marrë katër persona shtetas sirianë që dyshohet se janë migrantë të parregullt. Gjatë kontrollimit të personit të dyshuar mashkull kosovar i janë gjetur 2 qese të vogla me gjithsej 122 gramë substancë narkotike të dyshuar të llojit ‘marihuanë’”, thuhet në njoftim.
Sipas komunikatës, lidhur me rastin janë njoftuar njësitë kompetente policore për trajtim të mëtutjeshëm procedural ndaj migrantëve, ndërsa në konsultim me prokurorin të dyshuarit i është iniciuar rasti “Kontrabandim me migrantë” si dhe “Blerja, posedimi, shpërndarja e paautorizuar e narkotikëve dhe substancave psikotrope dhe analoge” dhe i njëjti është dërguar në mbajtje për 48 orë.
