Një grua dyshohet se i ka vënë flakën vetës duke përdoru një lëndë djegëse, sot në fshatin Ramoc të Gjakovës.
E njëjta fillimisht është dërguar në Spitalin Rajonal në Gjakovë, e pastaj në QKUK për trajtim të mëtejmë mjekësor.
Lajmin për teve1.info e ka bërë të ditur zëdhënësi i Policisë për rajonin e Gjakovës, Sheremet Elezaj, i cili njoftoi se njësitë relevante kanë dalë në vendin e ngjarjes.
Ndërkohë, me këtë ngjarje është njoftuar edhe prokurori, i cili rastin e ka iniciuar “Vetëvrasje në tentativë”.
“Sot në fshatin Ramoc-Gjakovë është raportuar se viktima, femër e moshës madhore dyshohet se i ka vënë flakën vetës duke përdorur një lëndë djegëse. E njëjta fillimisht është dërguar në Spitalin Rajonal në Gjakovë, e pastaj në QKUK për trajtim të mëtejmë mjekësor. Policia kanë dalë në vendin e ngjarjes si dhe është njoftuar prokurori i shtetit në konsultim me të cilin është iniciuar rast “Vetvrasje në tentativë”, tha Elezaj./teve1.info/
